ოცდაათი წელი VOGUE-ში: როგორ შეცვალა ანა ვინტურმა მსოფლიო ჩაცმის სტილი…

1988 წელს ამერიკული ვოგის რედაქციის თავმჯდომარე ანა ვინტური გახდა, ამერიკის პრეზიდენტი კი რეიგანი იყო. მას შემდეგ თეთრმა სახლმა 5 პრეზიდენტი გამოიცვალა, ხოლო ვინტურის ადგილი უცვლელია…

VOGUE-ის ბრიტანელი მთავარი რედაქტორი, მსოფლიო მოდისინდუსტრიისა და მოდური ჟურნალისტიკის ლეგენდა ანა ვინტური- ქალი, რომლის მთავარი ვიზუალურისავიზიტო ბარათი მოკლედ შეჭრილი მკაცრი კარე თმა და შავი სათვალეებია.მისი თქმით, მან კარე 15 წლის ასაკში შეიჭრა და დღემდე ატარებს მას. ის მთელი მსოფლიოს მოდის ინდუსტრიის მთავარტენდენციებსა და უამრავი ნიჭიერი ადამიანის ბედს სწორედ მოდის ბიბლიად აღიარებული,VOGUE-ის ჟურნალის მეშვეობით მართავს. ანას სიტყვა მოდის ინდუსტრიაში დღემდე კანონადრჩება, შეიძლება ითქვას, რომ მასზეა დამოკიდებული რომელიმე ამომავალი ვარსკვლავის კარიერისწარმატება ან წარუმატებლობა.  თითოეული ფოტო თუ სტატია, რომელიც ვოგში იბეჭდება ანას მიერ არის შემოწმებული, შერჩეული, ჩამოყალიბებული.ვოგის ნომრის დასაწყისში, პირველი ყოველთვის მისი სტატია არის.ანას განსაკუთრებულიწერის მანერა და სტილი აქვს, მის მიერ დაწერილი აბზაცები ერთ ამოსუნთქვაში იკითხებადა არ არის მონოტონური.

ანას სამუშაობ კაბინეტი Condé Nast ის შენობაში, მეთორმეტე სართულზე არის, საიდანაც ზედამხედველობს ასობით ჟურნალისტსა და ფოტოგრაფს, დიზაინერს, სხვადასხვა განყოფილებებს.

გასაკვირი არ არის ის ფაქტი, რომ ანა ვინტურთან მუშაობა ძალიან რთულია – ის მეტისმეტად მომთხოვნია, თანამშრომლებისგან კატეგორიულად მოელის სტილის განცდის უნარს, მოდურად ჩაცმასა და წონის განსაკუთრებულ კონტროლს, რაც სულაც არ არის გასაკვირი ქალისგან, რომელმაც ორივე ორსულობა „შანელის“ ვიწრო ქვედაბოლოებში გაატარა.

ანას ერთ-ერთმა ყოფილმა თანაშემწემ ლორენ ვეისბერგერმა დაწერა მსოფლიოს ერთ-ერთი ბესტსელერი – „ეშმაკი ატარებს პრადას“, რომელშიც ზედმიწევნით ასახა ვინტურთან მუშაობის პერიოდი. წიგნის 2006 წლის ეკრანიზაციაში მთავარი – ანას როლი მერილ სტრიპმა შეასრულა. აღსანიშნავია, რომ ფილმის პრემიერაზე ვინტური „პრადაში“ გამოწყობილი მივიდა, რითაც მან მთელ მსოფლიოს დაანახა თავისი გამორჩეული იუმორი.  რაც შეეხება ანას ჩაცმულობას, კარგად ჩანს, რომ მისთვის, თითოეული ფერი რაღაც კონკრეტულ ისტორიას წარმოადგენს და სათუთია. რომელიც კარგად ჩანს The Devil Wears Pradaში, სადაც უხსნის ასისტენტ ენდის, როგორ გამოიყენა ოსკარ დე ლა რენტამ ცისფერი ფერი შოუებში..

მისი პერსონა ძლიერი ქალის ყველა კრიტერიუმს აკმაყოფილებს. ვინტურის გავლენა საზოგადოებაზე არაერთხელ დახმარებია ადამიანებს. ამის ყველაზე კარგი მაგალითი კი, მარკ ჯეიქობსი არის. მისი კარიერის დასაწყისის დროს, ერთ-ერთი კოლექციის შოუსთვის ესაჭიროებოდა სასტუმრო პლაზას დარბაზი, მაგრამ ახალბედა დიზაინერისთვის მსგავსი სივრცის დაქირავება სირთულეს წარმოადგენდა, ამიტომ ანა, დაუკავშირდა სასტუმრო პლაზას მფლობელს – დონალდ ტრამპს და მეორე დღესვე დარბაზი მარკის ჩვენებისთვის მზად იყო.

აღსანიშნავია ის ფაქტი, რომ მოდის ICON-ი ახალბედა დიზაინერებს მხარს უჭერს და დაინტერესებულია მათი ხედვით. ის მილანის მოდის კვირეულის ღონისძიებებზე გაეცნო ქართველი დიზაინერების გიორგი ქებურიას და MACH & MACH-ის კოლექციას.